70 पटक हेरिएको 
ᤑᤣᤍᤣᤴ: ᤏᤡᤛᤢᤶ ᤔᤡᤱᤛᤥ ᤕᤢᤱᤔᤠ ᤏᤡᤛᤢᤶ ᤔᤡᤱᤛᤥ ᤗᤠᤶᤀᤥᤒᤠ᤹ᤜᤠ᤹᤺ ᤕᤡᤰᤜᤢᤵ ᤐᤥᤱᤔᤠ ᤕᤣᤰᤕᤠ ᤘᤠᤒᤠ ᤐᤠᤴᤕᤷ ᤑᤣᤒᤣᤴᤀᤥ ᤁᤣᤒᤥᤱᤒᤠ ᤋᤱᤃᤠᤶᤀᤥ ᤔᤧᤈᤣᤰᤂᤢ ᤀᤠᤱ ᤘᤠ ॥
ᤏᤣᤐᤠᤗ ᤀᤠᤍᤡᤒᤠᤛᤡ ᤈᤏᤈᤠᤋᤡ ᤐᤋᤪᤁᤠᤖ ᤔᤜᤠᤛᤅ ᤑᤥᤏᤡᤈ ᤌᤡᤰ ᤂᤠᤏᤡᤴ ᤁᤰᤑᤢᤖᤣᤴ ᤛᤢᤶᤛᤡᤃᤧᤰᤐᤠ ᤕᤧᤈᤢᤶᤗᤢᤱᤀᤥ ᤀᤠᤒᤠᤅᤣ ᤐᤠ᤺ᤴ ᤔᤧᤕᤢᤰᤂᤢ᤹ᤖ ᤏᤡᤛᤢᤶ ᤔᤡᤱᤛᤥ ᤕᤢᤱᤔᤠ ᤏᤡᤛᤢᤶ ᤔᤡᤱᤛᤥᤍᤠᤠᤱᤒᤠ᤹ᤜᤠ᤺ ᤕᤡᤰᤜᤢᤵ ᤐᤥᤱᤔᤠ ᤕᤣᤰᤕᤠ ᤘᤠᤒᤠ ᤔᤧᤒᤠᤋᤢ ॥
ᤁᤰᤑᤢ ᤕᤥᤛᤢᤐᤠᤱᤔᤡ ᤋᤃᤡᤒᤠ ᤋᤢᤶᤕᤠᤜᤠᤱ ᤁᤔᤗ ᤐᤪᤛᤠᤍ ᤈᤒᤣᤃᤢᤖᤣ ᤏᤡᤛᤢᤶ ᤔᤡᤱᤛᤥ ᤕᤢᤱᤔᤠ ᤁᤣᤖᤧᤰ ᤏᤡᤛᤢᤶ ᤔᤡᤱᤛᤥᤍᤠᤠᤱᤒᤠ᤹ᤜᤠ᤺ ᤌᤡᤰᤜᤢᤵ ᤐᤥᤱᤔᤠᤏᤢᤸᤗᤣ ᤘᤣ ᤗᤠᤶ ᤜᤥᤵᤐᤠ ᤐᤠ᤺ᤴ ᤕᤢᤰᤂᤢ ॥ ᤜᤢ᤺ᤏᤣ ᤏᤡᤛᤢᤶ ᤔᤠᤀᤣᤒᤠ ᤜᤠᤳᤋᤠᤅ ᤔᤧᤜᤥᤵᤐᤠ ᤐᤠ᤺ᤴ ᤆᤣᤸᤂᤢᤖ ᤁᤣᤖᤣᤰᤗᤣᤴ ᤏᤡᤛᤢᤶᤔᤡᤴ ᤋᤣᤴᤍᤡᤱ ᤆᤥᤰᤔᤠ ᤁᤣᤒᤥᤱᤒᤠ ᤆᤰ ᤐᤠ᤺ᤴ ᤕᤢᤰᤂᤢ ॥
‘ᤏᤡᤛᤢᤶ ᤔᤡᤱᤛᤥᤏ ᤋᤣᤴᤍᤡᤱ ᤀᤢᤛᤥᤰ ᤔᤣᤒᤥᤱᤏᤣᤱᤃᤖ ᤌᤱ ᤆᤥᤰᤔᤠ ᤀᤠᤱᤛᤠᤅ ᤕᤢᤰᤛᤡᤱ ᤆᤥᤰᤔᤠᤐᤥᤱ ᤕᤥᤛᤢᤐᤠᤱᤔᤡ ᤈᤒᤣᤃᤢᤖᤣ ᤐᤠ᤺ᤋᤢ ᤀᤡᤱᤛᤠᤵᤛᤠᤒᤠ᤹ᤜᤠᤖᤣ ᤀᤠᤱ ᤁᤴᤗᤣ ᤐᤠᤴᤍᤠᤀᤥ ᤁᤢᤛᤡᤱ ᤏᤡ᤹ᤋᤣᤳᤗ ᤐᤠᤵᤔᤠ ᤕᤣᤰᤕᤠ ᤘᤠ ॥ ᤏᤡᤛᤢᤶᤑᤠᤀᤡᤴ ᤌᤣᤒᤣ ᥅ ᤁᤠᤰ ᤜᤢ᤹ᤔᤠᤛᤡ ᤐᤥᤂᤣᤀᤠᤱ ᤘᤠ ॥’
ᤈᤡᤸᤗᤠ ᤛᤔᤴᤘᤕ ᤛᤔᤡᤋᤡᤒᤠ ᤛᤜᤠᤱᤕᤢᤰᤐᤠ ᤕᤠᤶᤁᤢᤔᤠᤷ ᤀᤠᤱᤒᤥᤖᤣ ᤏᤡᤛᤢᤶ ᤔᤡᤱᤛᤥᤖᤣ ᤐᤠᤴᤍᤠᤀᤥ ᤁᤣᤒᤥᤱᤒᤠᤷ ᤁᤣᤕᤠᤰᤐᤠ ᤌᤰᤛᤠᤅᤡᤴ ᤁᤣᤖᤣᤰᤗᤧ ᤁᤢᤛᤡᤱ ᤏᤡᤵᤔᤠ᤹ᤀᤠᤱ ᤋᤃᤡᤐᤥᤔᤠ ᤁᤣᤒᤥᤱᤒᤠ ᤆᤰ ᤐᤠ᤺ᤴ ᤕᤢᤰᤂᤢ ॥ ᤜᤢᤏᤣ ᤏᤡᤛᤢᤶ ᤔᤡᤱᤛᤥᤖᤣᤴ ᤕᤣᤰᤕᤠ ᤏᤢ ᤁᤢᤒᤣ ᤛᤣᤶᤔᤠ ᤁᤣᤒᤥᤱᤒᤠ ᤐᤠ᤺ᤴ ᤕᤢᤰᤂᤢ ॥
ᤑᤣᤍᤣᤴ ᤐᤠᤱᤕᤰᤗᤢᤱᤒᤠ ᤑᤥ ᤛᤜᤠᤱᤕᤢᤰᤐᤠ ᤖᤠᤎᤠᤁᤪᤡᤛ᤻ᤏ ᤏᤩᤠᤀᤢᤐᤠᤏᤣᤖᤧ ᤁᤢᤒᤠ ᤕᤢᤰᤑᤥ ᤏᤢ ᤋᤠᤴᤍᤡ ᤜᤠᤴᤒᤪᤡᤰᤐᤠ ᤛᤏᤠᤖᤢᤱ ᤆᤥᤰᤔᤠ ᤁᤣᤖᤣᤰ ᤛᤢᤜᤠᤱᤖᤣᤴ ᤏᤡᤛᤢᤶ ᤔᤡᤱᤛᤥᤴ ᤂᤠᤶᤄᤢᤖᤧ ᤋᤧᤴᤍᤡᤱ ᤆᤥᤰᤔᤠ ᤁᤣᤒᤥᤱᤒᤠ ᤐᤠ᤺ᤴ ᤐᤠ᤹᤺ᤋᤢ ॥ ᤜᤢᤏᤣ ᤏᤡᤛᤢᤶ ᤔᤡᤱᤛᤥᤴ ᤜᤠᤱᤌᤡᤶ ᤂᤥᤶᤍᤡᤱᤗᤣᤴ ᤌᤖᤣ ᤖᤰ ᤆᤥᤰᤔᤠ ᤔᤧᤏᤢᤏᤣᤴ ᤁᤧᤖᤒᤠ ᤆᤰ ᤐᤠ᤺ᤴ ᤆᤰᤋᤢ ॥
ᤑᤠᤸᤃᤢᤏᤴᤍ ᤐᤠᤱᤓᤣᤗᤢᤱᤒᤠ ᤑᤠ ᤌᤥᤛᤢᤍᤡᤶᤒᤠ ᤌᤠᤁᤢᤷᤛᤡᤱ ᤏᤣᤶᤒᤠᤱᤖᤣ ᤏᤡᤛᤢᤶᤔᤡᤱᤛᤥᤴ ᤕᤢᤰᤋᤧᤴᤍᤡᤱ ᤆᤥᤰᤔᤠᤸᤗᤧᤖᤰ ᤁᤢᤒᤠ ᤕᤢᤰᤑᤥ ᤏᤢ ᤋᤠᤴᤍᤡ ᤜᤠᤴᤒᤪᤡᤰᤐᤠ ᤛᤏᤠᤖᤢᤱ ᤕᤢᤰᤛᤡᤱ ᤐᤥᤱᤒᤠ ᤏᤛᤠᤴ ᤆᤥᤃᤢ ॥ ᤜᤢ᤹᤺ᤏᤣ ᤏᤡᤛᤢᤶᤔᤡᤱᤛᤥᤴ ᤕᤢᤰᤋᤧᤴᤍᤡᤱ ᤆᤥᤰᤔᤠᤸᤗᤣ ᤖᤰ ᤌᤥᤍᤡᤶᤏᤢ ᤛᤏᤠᤖᤢᤱ ᤕᤢᤰᤛᤡᤱ ᤁᤣᤒᤥᤱᤒᤠ᤹ᤀᤥ ᤐᤠ᤺ᤴ ᤆᤰᤋᤢ ॥
ᤏᤣᤐᤠᤸ ᤀᤠᤍᤡᤒᤠᤛᤡ ᤈᤴᤈᤠᤋᤡ ᤔᤜᤠᤛᤱᤒᤠ ᤌᤥᤛᤢᤍᤡᤶᤒᤠ ᤛᤠᤃᤷ ᤁᤣᤖᤢᤱᤖᤣ ᤕᤢᤰᤑᤥᤖᤣ ᤂᤠᤶᤒᤥᤱᤘᤠ ᤗᤢᤱᤒᤥᤘᤠ ᤛᤢᤘᤠᤱᤗᤧᤴ ᤔᤢᤰᤐᤠ᤺ᤴ ᤀᤡᤰᤗᤠᤴ ᤋᤣᤴᤍᤡᤱ ᤆᤥᤰᤔᤠ ᤁᤣᤒᤥᤱᤒᤠ ᤐᤠ᤺ᤴ ᤕᤢᤰᤂᤢ ॥ ᤜᤢ᤹᤺ᤏᤣ ᤀᤡᤱᤛᤠᤵᤛᤠᤒᤠᤜᤠ᤹ᤖᤣ ᤀᤠᤱ ᤂᤠᤶᤒᤥᤱᤘᤠ ᤗᤢᤱᤒᤥᤘᤠ ᤛᤢᤘᤠᤱᤗᤧᤴ ᤐᤠᤴᤍᤠᤀᤥ ᤐᤠ᤺ᤵᤔᤠ ᤁᤣᤒᤥᤱᤒᤠ ᤆᤰ ᤐᤠᤠ᤺ᤴ ᤕᤢᤰᤂᤢᤖ ᤐᤠᤋᤢ ᤏᤡᤛᤢᤶ ᤔᤡᤱᤛᤥᤖᤣ ᤗᤠᤶᤔᤣᤀᤥ ᤀᤠᤱ ᤐᤠᤖᤣᤀᤠᤒᤡᤖᤣ ॥ ᤏᤡᤛᤢᤶ ᤂᤥᤶᤍᤡᤱ ᤀᤥ ᤌᤡᤰᤜᤢᤵ ᤕᤣᤰᤕᤠ ᤘᤠ ॥
ᤏᤣᤐᤠᤗ ᤀᤠᤍᤡᤒᤠᤛᤡ ᤈᤏᤈᤠᤋᤡ ᤐᤋᤪᤁᤠᤖ ᤔᤜᤠᤛᤅ ᤑᤥᤏᤡᤈᤖᤣᤴ ᤗᤢᤶᤔᤡᤒᤠ ᤌᤥᤛᤢᤍᤡᤶᤒᤠ ᤃᤈᤢᤖᤎᤴ ᤖᤠᤠᤠᤀᤡᤖᤣ ᤁᤣᤖᤣᤰᤗᤧᤴ ᤔᤡᤱᤛᤥᤴ ᤋᤰᤔᤠ ᤁᤣᤒᤥᤠᤒᤠ᤹ ᤐᤠ᤺ᤴ ᤕᤢᤰᤂᤢ ॥ ᤜᤢ᤹᤺ᤏᤣ ᤁᤣᤖᤣᤰᤗᤧᤴ ᤔᤡᤱᤛᤥᤴ ᤋ᤺ᤰᤔᤠ ᤕᤠᤶᤒᤰᤀᤥ ᤕᤡᤰᤜᤢᤵ ᤐᤥᤱᤔᤠ ᤐᤣᤗᤡ ᤀᤠᤱ ᤆᤥᤃᤢ ॥
ᤑᤥᤏᤡᤈ ᤁᤰᤑᤢᤒᤠ ᤌᤥᤛᤢᤍᤡᤶᤒᤠ ᤛᤴᤋᤒᤡᤖ ᤗᤠᤔᤠ᤹ᤖᤣ ᤁᤢᤈᤢᤶᤗᤢᤱᤍᤠᤱᤒᤠ ᤀᤥ ᤁᤣᤒᤥᤱᤒᤠ ᤋᤱᤃᤠᤶᤀᤥ ᤋᤃᤡᤒᤠ ᤀᤡᤱᤛᤠᤵᤛᤠᤒᤠ ᤈᤏᤰᤖᤡᤛᤡ ᤖᤠᤀᤡ, ᤒᤡᤈᤕ ᤛᤴᤋᤥᤛᤡ ᤖᤠᤀᤡ, ᤏᤣᤐᤠᤸ ᤐᤋᤪᤁᤠᤖ ᤔᤜᤠᤛᤱ ᤁᤰᤑᤢ ᤌᤥᤛᤢᤍᤡᤶᤒᤠ ᤓᤖᤋ ᤂᤍ᤻ᤁᤠ, ᤋᤢᤶ ᤛᤢᤜᤠᤱᤔᤡᤔᤠ ᤜᤡᤔᤠ ᤆᤧᤶᤈᤥᤱ, ᤗᤢᤶᤔᤡᤒᤠ ᤐᤠᤛᤡᤱ ᤗᤓᤍᤣᤓ ᤎᤢᤱᤃᤠᤏᤠ, ᤀᤷᤈᤢᤴ ᤈᤢᤶᤏᤣᤗᤡ ᤀᤠᤀᤡ ᤏᤢ ᤏᤡᤗᤡᤑᤠ ᤛᤢᤒ᤻ᤒᤠ ᤖᤣ ᤏᤡᤛᤢᤶ ᤔᤡᤱᤛᤥ ᤕᤢᤱᤔᤠ ᤁᤧᤖᤣᤰᤗᤧ ᤗᤳᤌᤡᤰ ᤀᤡᤰᤗᤠ ᤆᤥᤰᤔᤠ ᤕᤣᤰᤕᤠ ᤘᤠᤒᤠ ᤔᤧᤒᤠᤋᤢ ॥
