54 पटक हेरिएको 
ᤎᤖᤠᤴ: ᤛᤢᤴᤛᤖᤡ ᤎᤖᤠᤴ ᥇᥏ ᤒᤠ ᤒᤠᤗᤰ ᤆᤤᤁ ᤀᤥ ᤛ᤺ᤡᤗᤠᤶ ᤛᤠᤰᤔᤠ ᤏᤢ ᤆᤠᤩᤠᤒᤢᤪᤱ ᤀᤡᤳᤗᤠ ᤔᤧᤈᤥᤃᤢ ᤀᤠᤱ ᤘᤠ ॥ ᤁᤡᤖᤠᤋ᤻ ᤕᤠᤰᤌᤢᤱ ᤆᤢᤶᤗᤢᤱ ᤘᤍᤠ ᤐᤥᤖᤠᤰᤖᤣ ᤆᤥᤃᤢᤒᤠ ᤀᤡᤳᤗᤠᤸᤗᤧᤴ ᤁᤰᤑᤧ᤹ᤘᤠ ᤋᤱᤏᤠᤶ ᥋᥆᥎᥋ ᤖᤧᤴ ᤛᤢᤕᤧᤶ ᤀᤥ ᤏᤠᤖᤠᤐᤣᤜᤴ ᤔᤣᤈᤥᤃᤢᤀᤠᤱ ᤘᤠ ॥
ᤁᤡᤖᤠᤋ᤻ ᤕᤠᤰᤌᤢᤱ ᤆᤢᤶᤗᤢᤱ ᤕᤠᤰᤐᤠᤱᤃᤣᤴ ᤌᤥᤛᤢᤍᤡᤶᤒᤠ ᤐᤣᤪᤶ ᤕᤧᤰᤋᤣᤴᤖᤧ ᤁᤢᤏᤠ ᤜᤴᤍᤢᤒᤠ ᤀᤡᤳᤗᤠᤴ ᥇᥋ ᤑᤡᤋ ᤕᤥᤒᤠ ᤔᤧᤒᤠᤋᤢᤀᤠᤱ ᤘᤠ ॥
ᤕᤧᤰᤋᤣᤴᤖᤧ ᤀᤡᤳᤗᤠᤸᤗᤧᤴ ᤏᤠᤖᤠᤐᤣᤜᤴ ᤆᤥᤃᤢᤖ ᤛ᤺᤺ᤡᤗᤠᤶ ᤛᤠᤰᤔᤠᤸᤗᤧ ᤛᤡᤔᤠ᤹ᤔᤠᤔᤠ ᤖᤰᤔᤣᤴ ᤛᤠᤵᤔᤢᤴᤎᤢᤶ ᤀᤠᤏᤡ ᤐᤠ᤺ᤴ ᤛᤰᤛᤠ ᤛᤠᤰᤌᤡᤶ ᤀᤠᤱ ᤋᤠᤱᤛᤧᤵ ᤆᤥᤃᤢᤒᤠ ᤐᤠ᤺ᤴ ᤕᤢᤰᤂᤢᤖ ᤋᤃᤡ ᤐᤠᤋᤢ ‘ᤕᤠᤰᤌᤢᤱᤒᤠᤜᤠ ᤔᤣᤶᤔᤠᤶᤏᤠᤒᤠ ᤛᤢᤘᤠᤱᤛᤡ ᤖᤥ ॥’
ᤀᤡᤳᤗᤠ ᤆᤥᤰ ᤛᤈᤢᤶᤒᤠ ᤋᤱᤜᤡᤒᤠ ᤍᤣᤀᤢᤔᤠᤴ ᤋᤠᤵᤔᤠᤍᤧᤴᤖᤣ ᤀᤡᤳᤗᤠᤸᤗᤧ ᤕᤠᤰᤌᤢᤱ ᤛᤠᤰᤌᤡᤶ ᤏᤢ ᤏᤡᤛᤢᤶᤖᤣ ᤕᤠᤴᤎᤠᤀᤥ ᤑᤠᤛᤡᤱ ᤁᤣᤳᤋᤢᤒᤠ ᤏᤛᤠᤴ ᤆᤥᤃᤢ ॥
ᤀᤡᤳᤗᤠ ᤆᤥᤰᤔᤠ ᥇᥌ ᤗᤠᤅᤣᤴ ᥎᥌ ᤜᤣᤴᤇᤡᤱ ᥌ ᤁᤡᤐ᤻ ᥌᥋ ᤕᤠᤱ ᤔᤧᤛᤢᤵᤛᤢᤒᤠ ᤀᤥ ᥎ ᤗᤠᤅᤣᤴ ᥊᥋ ᤜᤧᤴᤇᤡᤱ ᤗᤰ ᤔᤠᤖᤣᤒᤠ ᤀᤡᤳᤗᤠ ᤆᤥᤰ ᤛᤈᤢᤶᤒᤠ ᤕᤠᤱᤍᤧᤶᤔᤠ ᤈᤠᤕᤋᤠᤪ ᤋᤣᤕᤢᤱ ᤗᤡᤶᤒᤢᤖᤧ ᤌᤠᤀᤡᤱ ᤆᤥᤃᤢ ॥
