58 पटक हेरिएको 
पाँचथर: फाल्गुनन्द गोल्डकप फुटबल प्रतियोगिताको ११ औँ संस्करण आगामी पौष ६ देखी १५ गते सम्म हुने भएको छ ।
पाँचथरको फिदिम बजारमा हुँने गोल्डकपमा ए डिभिजनका ४ वटा क्लव सहित १० टिमको सहभागिता रहनेछ ।
खेलमा चर्च व्वाइज युनाइटेड, न्युरोड क्लव ( एनआरटी)काठमाण्डौ, मछिन्द्र क्लव काठमाण्डौ, त्रिभुवन आर्मी क्लव काठमाण्डौ, चित्लाङ क्लव काठमाण्डौ, विराटनगर सिटी फुटवल क्लव, सहलेस युवा क्लव सिराहा, न्यु स्टार क्लव सुनसरी, झापा एघार फुटबल क्लव र आयोजक फिदिम स्पोर्टिङ क्लव गोल्डकपमा सहभागी हुने आयोजकले जनाएको छ ।
फिदिम स्पोर्टिङ क्लवको आयोजनामा हुने प्रतियोगिताको विजेताले नगद १० लाख ५ सय ५५ रुपैँया र उप विजेताले ५ लाख ५ सय ५५ रुपैँया पाउने आयोजकले जनाएको छ । यो पुरस्कार राशी जिल्लाकै सर्वाधिक हो ।
